InicioDeportesJavi López era o "candidato ideal", segundo Emilio Viqueira

Javi López era o “candidato ideal”, segundo Emilio Viqueira

PUBLICADA O

- Advertisement -

Javi López foi presentado este mediodía como primeiro adestrador de Club Deportivo Lugo. Chega acompañado por David Sierra coma segundo técnico, tal e como confirmou na rolda de prensa. López firma por dúas tempadas e procede do Real Sporting de Gijón, onde traballou a última campaña na secretaría técnica xunto a Miguel Torrecilla, co que traballou tamén no exercicio 2016-2017 no Real Betis Balompié. A súa última experiencia como adestrador foi co R.C. Celta de Vigo B no campionato 2014-2015. Os pais do adestrador barcelonés son nados en Lugo.

Emilio Viqueira, director deportivo albivermello, afirmou que Javi López é un profesional da súa “confianza” e o “candidato ideal para darlle continuidade ao que o Lugo vén desenvolvendo nos últimos anos: un fútbol combinativo e vistoso”. Viqueira subliñou o seu “amplo coñecemento do fútbol na Segunda División” e “traballou en clubes de formación”, polo que lles permitirá “traballar coa xente da canteira e apostar por xente da casa”. Tamén, resaltou o seu “traballo incansable”.

Pola súa banda, Javi López amosouse “ilusionado” porque volve ao que lle “gusta” e “máis preparado”. Respostou que ten unha “orientación” sobre a confección da plantilla e quere formar “un bo grupo de traballo e unido”.

López opinou que a vindeira Liga 1|2|3 será “a máis dura” da historia ou “moi preto” de sela. Explicou que o obxectivo é facer “unha boa pretempada e pensar no primeiro partido”.

O adestrador barcelonés contestou que comezarán a pretempada o luns 9 de xullo e contan con xogar “8 amigables”. A preparación comezará en Lugo e “hai a posibilidade de saír unha semana”.

Finalmente, Javi López confirmou que o lucense Roberto Fernández, ex porteiro do Lugo durante as últimas tres tempadas e que anunciou a súa retirada, será o novo adestrador de porteiros. 

 

 

 

 

 

ÚLTIMAS

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...

A prisión un lugués por distribución de material sexual infantil

A Policía Nacional detivo a 16 persoas por posesión e distribución de material de explotación...