O Club Voleibol Emevé anunciou a renovación da líbero Eliana González, que cumprirá a súa terceira tempada no club. A xogadora de Benidorm, de 21 anos, fichou en 2016 procedente do Naturhouse Logroño, que militaba en Superliga 1, mesma categoría na que competirá o Emevé a vindeira campaña. Previamente, xogara no UCAM Vóley Murcia.

Segundo o club, cómpre subliñar a súa “garra e visión de xogo”, así como aportará “defensa e recepción”.

Eliana González súmase á renovación da receptora Lucía Prol, que prorrogou o seu contrato o luns.

Foto da páxina web de C.V. Emevé: cvemeve.com