O Club Deportivo Lugo B proclamouse campión absoluto de Preferente despois de superar nos penaltis (5-4) á Unión Deportiva Ourense, campioa de Preferente Sur. A final, a partido único, disputouse no campo de A Pinguela, en Monforte de Lemos (Lugo).
No tempo regulamentario, o Lugo B adiantouse grazas a un gol de Javi Rey no minuto 40 cun disparo á escadra. Antes, a U.D. Ourense contou cunha ocasión de Joni que golpeou o traveseiro de Javi Liz, portero do filial lucense. Con 0-1 chegouse ao descanso. Xa na segunda metade, Isma Martínez, ex xogador do Lugo, marcaba o empate a un no minuto 57 despois dunha vaselina sobre Liz. Catro minutos despois, o filial albivermello quedaba cun xogador menos pola expulsión do canteirán Pedro López. Os ourensáns tiveron ocasións para marcar o 2-1, pero non tiveron precisión nas definicións. Nos penaltis, unha parada de Javi Liz a disparo de Alfredo, xogador da U.D. Ourense, supuxo, á postre, a vitoria do Club Deportivo Lugo B.
Os albivermellos acadaron o ascenso a Terceira División na penúltima xornada despois de gañar 1-2 en Outeiro de Rei.
Foto das canles oficiais de Club Deportivo Lugo.
