InicioDeportesO Breogán renova a Salva Arco: "Ascendeu e descendeu connosco; xuntos recuperaremos...

O Breogán renova a Salva Arco: “Ascendeu e descendeu connosco; xuntos recuperaremos a ACB”

A súa continuidade estivera no aire hai unhas semanas, pero o club vén de confirmar a súa permanencia por unha tempada máis. O capitán mostrou a súa alegría e asegurou que se sinte "como na casa" grazas ao "agarimo da afección"

PUBLICADA O

- Advertisement -

EFE.- O Leche Río Breogán logrou a continuidade no equipo do seu capitán, Salva Arco, que defenderá a camiseta do conxunto lucense na LEB Ouro tras o descenso de hai uns meses. A súa permanencia estivera en dúbida hai unhas semanas, pero o club xa confirmou que o xogador queda unha tempada máis en Lugo.

O contrato do xogador, que pode actuar de escolta e mais na ala, estendeuse por unha tempada, segundo explicou o director xeral do club, Tito Díaz, quen tivo a oportunidade de adestralo durante uns meses o ano pasado.  “Estou moi contento de que siga connosco. Probou os meles do triunfo e da decepción, ascendeu connosco, descendemos xuntos e xuntos imos iniciar o camiño da recuperación da ACB”, indicou Díaz.

Ademais, cre queArco “demostra o que quere ser o Breogán” e destacou del que ten “carácter, ilusión e moitas ganas de dalo todo nos partidos para volver a esa categoría soñada, a ACB”.

EN LUGO, “COMO NA CASA”

O xogador de Barcelona dixo que a súa “prioridade” era quedar no Breogán porque no conxunto lucense séntese “como na casa, desde o primeiro día”. Di que aquí obtivo “o respecto e agarimo da afección” e a entidade, “que é moito máis importante que outros aspectos”. Engadiu que o cadro de xogadores ten “o reto de devolver este club onde merece estar”, en referencia á máxima categoría.

Do mesmo xeito, Arco avalou as incorporacións e renovacións que se fixeron nos últimos días. “Son xogadores top nesta liga; logo dependerá de como sexamos de rápidos en xuntar as pezas, pero o camiño que se está seguindo é o de tentar ascender e estar arriba pelexando por todo”, sostivo o xogador.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...