InicioPolíticaElena Candia (PP) sobre o discurso de Tomé: "Aproveitou para criticar o...

Elena Candia (PP) sobre o discurso de Tomé: “Aproveitou para criticar o compañeiro saínte”

Considera que o novo presidente está nunha posición "débil" ao non ser o representante do partido máis votado.

PUBLICADA O

- Advertisement -

“Máis que ilusionarnos cun proxecto, o presidente da Deputación aproveitou o discurso para criticar o compañeiro saínte”. Así o cre a deputada do PP, Elena Candia, logo da sesión na que se investiu a José Tomé como novo presidente do ente provincial.

O discurso que deu José Tomé logo de ser nomeado presidente estivo marcado por un intento por afastar vellas polémicas entre as catro paredes de San Marcos. José Tomé avogou por “devolver a tranquilidade e normalidade” á institución.

A popular critica que este novo goberno bipartito estivera pendente do reparto de asentos a un día da constitución da corporación. Mentres tanto, “pouco coñecemos das prioridades que estableceron”, di, e engade que “parece que o único que pretenden é ter unha arma política contra a Xunta. Ademais, cre que o apoio que lle brindou o BNG para chegar á presidencia acabará por custar caro.

Á súa vez, Elena Candia lamenta que “PSOE e BNG rexeitaran escoitar o proxecto que lles presentaba o PP, o partido máis votado”. Aínda así, asegura que dende o seu grupo provincial traballarán “dende a responsabilidade e a coherencia” para mellorar Lugo

TOMÉ, PRESIDENTE “DÉBIL”

Ao tempo, Candia destacou que o organismo provincial estará presidido polo representante dun partido que “obtivo o peor resultado dende o 2007 e, polo tanto, que conta menos respaldo das urnas“. Cre que iso o deixa nunha posición “débil”, reforzada ademais polas duras declaracións que se coñeceron onte con respecto á xestora do PSdG por parte de membros do partido.

Refírese ás palabras do candidato á secretaría xeral da provincia, Xosé María Arias, que arremeteu contra José Antonio Quiroga por “comprar” apoios para Patricia Otero, a outra aspirante a liderar o PSOE en Lugo

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...