O Club Deportivo Lugo comunicou un “acordo de rescisión do seu contrato” con Francisco Rodríguez Vílchez, primeiro adestrador do club albivermello nesta última tempada 2017-2018. Francisco tiña contrato até o 30 de xuño de 2019.

O club agradece a “implicación, entrega e profesionalidade tanto de Francisco como do seu corpo técnico” e deséxalle “a maior das sortes nos seus futuros proxectos profesionais”.

Con Francisco, o Lugo rematou a tempada en Liga 1|2|3 en decimosegunda posición con 55 puntos. Chegou a ser líder na xornada doce e estivo en posto de ascenso directo a Primeira durante sete xornadas.

Segundo diferentes medios, o Granada C.F. e o Córdoba C.F. estarían interesados na contratación do técnico almeriense.

Foto de laliga.es