InicioCulturaO Concello de Lugo entrega os premios Trapero Pardo á creatividade literaria

O Concello de Lugo entrega os premios Trapero Pardo á creatividade literaria

No XXIV Certame de Contos e Relatos Curtos Trapero Pardo resultaron premiadas cinco rapazas representantes de centros de ensino de Sarria, Monforte e Lugo

PUBLICADA O

- Advertisement -

A entrega de premios do XXIV Certame de Contos e Relatos Curtos Trapero Pardo permitiu reunir no Salón de Plenos da casa consistorial de Lugo a varias xeracións de creadoras literarias. O Concello recoñeceu a cinco rapazas de tres vilas lucenses, nun acto ao que asistiu tamén un dos membros do xurado, o profesor Xosé Manuel Castro, e a secretaria do tribunal, Margarita Calderón, e que estivo presidido pola alcaldesa Lara Méndez e o concelleiro de Educación Manuel Núñez.

Como cada ano, a vixésimo cuarta edición dos premios Trapero Pardo contribuíu a fomentar a escrita entre os xoves dos centros educativos da provincia de Lugo de ensino non universitario. “É un certame xa consolidado –explicou Méndez–, que desprende educación, cultura e imaxinación, que agranda ano tras ano o noso maior patrimonio, os rapaces e rapazas de Lugo”.

Rexedora e edil felicitaron ás cinco estudantes galardoadas, celebrando o papel de todos aqueles que se presentaron a este certame. Ademais, estenderon os parabéns á comunidade educativa e ás familias. Na intervención, os representantes do goberno local convidaron ás xeracións máis cativas a manterse no bo hábito da lectura, “que impulsa o seu talento, a creatividade e o coñecemento”.

Os premios Trapero Pardo 

  • Categoría de 12 a 14 anos

1.º Premio: María Cordo Imedio, coa obra titulada O que falaban de Galicia, do CPR Padres Franciscanos de Lugo. Diploma, lote de libros e premio valorado en 200 euros.

2.º Premio: Elliane Álvarez-Yáñez Rodríguez, coa obra titulada Onde as historias nacen, do IES Ánxel Fole de Lugo. Diploma, lote de libros e premio valorado en 100 euros.

3.º Premio: Ángela alicia Cámbara López, coa obra titulada As pequenas diferenzas, do CPR Nuestra Señora de la Asunción, de Sarria. Diploma, lote de libros e premio valorado en 70 euros.

  • Categoría de 15 a 18 anos

1.º Premio: Sabrina Pérez López, coa obra titulada Na procura do destino, do IES Pinguela, de Monforte de Lemos. Diploma, lote de libros e premio valorado en 250 euros.

2.º Premio: Sofía Santos Ulloa, coa obra titulada Mel e perlas, do IES Lucus Augusti  de Lugo. Diploma, lote de libros e premio valorado en 100 euros.

O tercer premio desta categoría quedou deserto.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...