Diego Flâneur e Carabela actuaron a noite deste pasado luns na Capela de Santa María na segunda edición da xornada musical As Literatas para Rosalía de Castro, organizada pola Vicepresidencia da Deputación de Lugo para poñer en valor a creación artística galega actual no marco das celebracións polo Día de Rosalía que se conmemora o 23 de febreiro.
O artista lugués e a banda de Noia sorprenderon o público cunha colaboración inédita, creada a partir do poema “Maio longo”.
O público recibiu como agasallo unhal lámina conmemorativa da data, unha reprodución dunha acuarela da ilustradora Rocío Fernández Paz inspirada no poema Sen niño que tamén entregarà maña ás persoas que visiten os museos provinciais – Museo PROVINCIAL de Lugo, Pazo de Tor, Museo do Mar de San Cibrao e Museo Fortaleza de San Paio de Narla-.
