InicioCulturaUnhas 1.500 cintas aspirarán a formar parte da Semana de Cinema de...

Unhas 1.500 cintas aspirarán a formar parte da Semana de Cinema de Lugo

923 son producións do Estado español, 42 proceden de Brasil, 39 de Francia, 38 de Arxentina, 19 de México e 11 americanas.

PUBLICADA O

- Advertisement -

Fonmiña, a organizadora da Semana de Cine de Lugo, recibiu un total de 1.474 filmes, entre longametraxes e curtas, que agora serán seleccionadas para a súa programación neste evento cultural.

Diso informou o presidente de Fonmiña, Xulio Xiz, quen lembrou que a Semana Internacional de Cinema de Autor de Lugo, que cumpre xa 43 edicións desde que arrincase en 1978, celebrarase do 20 ao 26 de setembro.

O pasado día 2 de maio pechouse a “cota” de películas que, na súa maioría, foron recibidas a través de dúas plataformas. Ademais, 46 foron presentadas de forma directa a través dos directores ou produtores e 12 remitidas polos distribuidores.

Xulio Xiz destacou o “satisfeitos” que están os organizadores pola gran “participación” nesta preselección destas producións, que agora terán que ser seleccionadas para a súa proxección. Así, avanzou que serán “sobre cen” as que finalmente concorran á programación que se faga.

O presidente de Fonmiña subliñou a alta presenza de cinema galego, “con 29 películas presentadas, o que evidencia que o cinema galego ten moita vida, está totalmente vivo”.

Finalmente, confiou en que a selección das producións que se proxectarán durante a Semana Internacional de Cine de Autor de Lugo estea xa concluída “ou ben na última semana de xuño ou na primeira de xullo”.

Do total de películas preseleccionadas, 923 son producións do Estado español, 42 proceden de Brasil, 39 de Francia, 38 de Arxentina, 19 de México e 11 americanas.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...