InicioCulturaOitenta bolboretas póusanse na Muralla para denunciar os oitenta feminicidios deste 2020

Oitenta bolboretas póusanse na Muralla para denunciar os oitenta feminicidios deste 2020

O artista Abraham Calero (Palma de Mallorca) é o autor deste mural que xorde froito da colaboración a distancia co lucense Primo de Banksy.

PUBLICADA O

- Advertisement -

A arte urbana pode funcionar como denuncia, como resorte que faga cavilar ás persoas que paseen pola rúa. Ou, neste caso, por enriba da Muralla. Aí é onde veu parar unha obra do artista Abraham Calero (Mallorca), que representou a través de oitenta bolboretas os oitenta feminicidios rexistrados neste 2020.

A intervención artística enmárcase nos “diálogos cruzados” entre Lugo e Palma de Mallorca ou, o que é o mesmo, entre o artista lucense Primo de Banksy e Abraham Calero. “Fai meses que lle dabamos voltas a traballar xuntos”, explican nos seus perfís de Instagram. “Saíu esta proposta. Abordar un mesmo tema cada un dende a súa perspectiva, meter a peza nun paquete e enviala por correo para que o outro a poña onde considere”.

Así, o mural de Calero foi colocado nunha parede do paseo da Muralla. Alí, as oitenta bolboretas quedan acompañadas dos nomes das mulleres asasinadas polas súas parellas ou exparellas.  Á súa vez, en Palma de Mallorca xa figura a obra que mandou o Primo de Banksy: “a Magdalena na rúa Xustiza, rodeada de prostitutas”.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...