- Advertisement -
O Museo Provincial de Lugo vén de inaugurar a primeira entrega do proxecto “Amar a mar: Mariñas, marosas e maruxainas”, que se centra en recoñecer e visibilizar as mulleres da Mariña Lucense. A mostra inclúe 16 retratos femininos –un por cada un dos concellos da comarca– e outros tantos textos que inciden no papel das mulleres na configuración material e cultural da comarca.
Redeiras, labregas ou empregadas de conserveiras son agora donas das paredes do Museo nunha exposición que se pode ver tanto de forma presencial como virtual. Podes ler a información completa no Xornal da Mariña.
