InicioCulturaO cineasta Oliver Laxe, candidato ás Medallas Castelao 2020

O cineasta Oliver Laxe, candidato ás Medallas Castelao 2020

A Deputación de Lugo propuxo que o director de 'O que arde' sexa recoñecido pola súa traxectoria filmográfica, pero tamén polo seu compromiso co rural e, en concreto, cos Ancares. Alí, en Vilela (Navia de Suarna), está rehabilitando a casa dos avós para construír un centro pedagóxico e de coidado do territorio.

PUBLICADA O

- Advertisement -

A Deputación de Lugo rexistrou oficialmente este mércores a candidatura de Oliver Laxe ás Medallas Castelao 2020 en recoñecemento polo seu labor como cineasta e impulsor do Novo Cinema Galego, pero tamén polo seu compromiso e implicación co rural e coa comarca dos Ancares. Unha trintena de asociacións e concellos apoian esta proposta.

As Medallas Castelao son distincións que outorga a Xunta de Galicia a persoas que contribuíran á terra dende distintos ámbitos. A Deputación de Lugo, a proposta do seu presidente, coida que “Laxe é merecedor” de tal homenaxe por “defender o medio rural e potenciar proxectos culturais e de vida en xeral, pola súa implicación na cultura e nas tradicións, por ser fillo da emigración e basear parte da súa filmografía nun problema fundamental do territorio galego, como é o despoboamento e o abandono do rural”.

UN CENTRO CULTURAL E ECOLÓXICO EN VILELA

Este compromiso ao que se refiren non só se manifesta, pois, na súa famosa e multipremiada película O que arde ou no resto de filmografía, senón tamén nun proxecto que ten en marcha actualmente e que non se inscribe nos marcos dunha pantalla de cinema. Trátase dunha iniciativa para construír un centro pedagóxico, terapéutico e comunitario en Vilela (Navia de Suarna), na casa onde naceron os seus devanceiros.

Pretende ser un lugar no que realizar obradoiros, proxeccións, conferencias, xuntanzas comunitarias e culturais sen ánimo de lucro, ou actividades para coidar dun souto da zona. En definitiva, un espazo de encontro e creación que axude a reavivar a comarca dos Ancares e que aposte pola innovación. “Precisamos máis Oliver Laxe para impulsar o noso rural”, destacan dende a Deputación.

O ANO PASADO, BENEDICTA

A súa candidatura ás Medallas Castelao chega ao ano seguinte de que Benedicta Sánchez, veciña do Corgo e protagonista de O que arde, recibira esa mesma distinción por parte da Xunta de Galicia.

ÚLTIMAS

Cae unha rede que extorsionaba homes en webs de citas sexuais

A Garda Civil detivo a unha persoa e investiga a outro catro acusadas de...

Prosegue a procura da anciá de 85 anos desaparecida hai unha semana no barrio de Montirón

A Policía Nacional continúa dirixindo a procura de Isaura, a anciá de 85 anos que non volveu...

O PP de Lugo pide ao Goberno aclarar se abrirá este verán un novo tramo da A-54

Os senadores do PP de Lugo --José Manuel Barreiro, José Manuel Balseiro e Juan Serrano-- pediron...

Perdera o carné por orde xudicial e seguía conducindo

A Policía Local de Lugo denunciou, por un delito contra a seguridade viaria, a...