InicioCulturaUn recital virtual na honra de Carvalho Calero e da súa amizade...

Un recital virtual na honra de Carvalho Calero e da súa amizade con Díaz Castro

O colectivo Nova Poesía Guitirica trasladará a celebración das Letras Galegas ás redes sociais. Será o vindeiro domingo 17 de maio, ás 20.00 horas.

PUBLICADA O

Lonxe de que o estado de alarma tronce calquera posibilidade de celebración das Letras Galegas, o festexo e as reivindicacións inzarán as redes sociais. O colectivo Nova Poesía Guitirica (NPG) porá o seu gran de area cun recital en directo na honra de Ricardo Carvalho Calero. 
Será o vindeiro domingo 17 de maio, ás 20:00 horas, na súa páxina de Facebook. O acto comezará coa lectura do prólogo que Carvalho Calero escribiu para Nimbos, obra do autor guitiricense Xosé María Díaz Castro. Deseguido, cada poeta participante recitará algún texto do escritor das Letras Galegas 2020 ou ben algún poema que o homenaxee.
“A amizade entre Carvalho Calero e Díaz Castro dá a este recital un valor especial para a poesía guitirica”, destacan dende o colectivo, para o que o poeta dos Vilares é a súa “grande referencia e causa da súa existencia”.
Non será a primeira actividade deste tipo que realiza Nova Poesía Guitirica durante a corentena. No pasado mes, este grupo xa levou adiante dous actos poéticos nas redes “de grande éxito”. Foron o #RecitalnaCasadaNPG e #enredeversos, con preto de 50.000 visualizacións no seu conxunto.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...