a Xunta quere que Lugo teña un novo referente para publicitar o Xacobeo. Así o suliñou o conselleiro de Cultura e Turismo, Román Rodríguez, que este luns asinou un acordo de colaboración coa Asociación Provincial de Empresarios de Hostalaría e Turismo de Lugo (APEHL), Cheché Real, para fixar os usos da Casa-Torre da Tinería, unha vez que sexa rehabilitada por parte da Xunta de Galicia.

O conselleiro precisou que ese inmoble será rehabilitado polo Instituto Galego de Vivenda e Solo, dentro do programa Rexurbe, grazas a unha partida orzamentaria que ascende a 780.000 euros, incluída nas contas da Xunta de Galicia para o próximo ano.

A idea é que, unha vez rehabilitado o edificio, sexa un “referente turístico e xacobeo”. Así, Rodríguez destacou que Lugo é un dos grandes puntos do Camiño Primitivo a Santiago de Compostela, con servizos específicos para peregrinos e visitantes.