InicioCulturaLugo imprégnase do universo artístico do ecuatoriano Oswaldo Guayasamín

Lugo imprégnase do universo artístico do ecuatoriano Oswaldo Guayasamín

Afundación acollerá unha exposición que vira arredor da súa obra e que se poderá visitar entre setembro e xaneiro.

PUBLICADA O

- Advertisement -

Afundación, en colaboración coa Fundación Museo das Artes do Gravado á Estampa Dixital de Ribeira, presenta o proxecto expositivo ‘Oswaldo Guayasamín 1919-1999. Dúas series. Dous aniversarios’ na Sede Afundación de Lugo. Segundo informou Afundación nun comunicado, a mostra poderá visitarse a partir do 26 de setembro e ata o 11 de xaneiro do próximo ano, de luns a sábados en horario de 18,00 a 21,00 horas.

A exposición, organizada no marco da celebración este ano 2019 do Ano Internacional das Linguas Indíxenas, “expúxose desde unha perspectiva histórica, co obxectivo de achegarse á cultura dos pobos indíxenas americanos”, explicou a entidade. Ademais, incidiu en que se trata do “modo de Afundación de celebrar o centenario do nacemento do artista Oswaldo Guayasamín en Quito no ano 1919” e, á súa vez, conmemora o vixésimo aniversario do seu falecemento en 1999 en Baltimore.

O proxecto recolle dúas series de gravados do artista ecuatoriano, ‘De Orbe Novo Decades’ e ‘Emociones’, ámbolos dous pertencentes á Fundación Museo das Artes do Gravado á Estampa Dixital de Ribeira.  A primeira, realizada por Guayasamín na década do oitenta, foi concibida para ilustrar unha edición facsimilar do libro homónimo de Pedro Mártir de Anglería, publicado orixinalmente en 1516.

Doutra banda, a serie ‘Emociones’, denominada así pola propia Fundación Museo das Artes do Gravado á Estampa Dixital de Ribeira, a través de 20 litografías realizadas en España polo pintor quiteño, achega ao espectador ao mundo dos sentimentos, outra das súas principais preocupacións pictóricas.

ÚLTIMAS

O sector da limpeza en Lugo critica a petición de adiamento da patronal para decidir se acepta a mediación

Traballadores do sector da limpeza en Lugo criticaron "unha nova mostra do "absoluto desinterese"...

Unha persoa resulta ferida nun choque entre un camión cisterna e un coche en Abadín

Un camión cisterna que transportaba leite chocou contra un coche e envorcou en Abadín....

A que se debeu a grande expansión do lume no incendio de Baleira?

Os incendios que cada ano asolan Galicia destrúen a nosa paisaxe, o noso patrimonio...

Unha residencia de Vilalba deberá readmitir a unha empregada despedida por reivindicar mellores condicións laborais

O Xulgado do Social número 1 de Lugo declarou nulo o despedimento dunha traballadora...