InicioPolíticaO BNG esixe ao alcalde de Pol unha desculpa pública pola suposta...

O BNG esixe ao alcalde de Pol unha desculpa pública pola suposta agresión a un mozo

O PP reclama directamente o seu cesamento.

PUBLICADA O

- Advertisement -

O BNG esixe ao alcalde de Pol, Liño Rodríguez, “responsabilidades” e unha “desculpa pública” por mor de que un mozo de Portomarín o denunciase ante a Garda Civil por unha suposta agresión durante un partido de fútbol o domingo, unha acusación que o rexedor nega.

A través dun comunicado, os nacionalistas –aínda que non piden directamente o cesamento do alcalde, como si reclamou o PP– tachan de “moi grave” as súas formas de actuar: “Son indecentes e vergoñosas dunha persoa que está a representar a veciñanza de Pol”.

Neste contexto, o BNG sinala a “degradación” á que está a someter Rodríguez ao municipio e por iso esíxenlle non só “responsabilidades” polos feitos denunciados, senón tamén “unha desculpa pública” tanto aos polenses como aos portomarinenses.

Ademais, o Bloque lembra que xa “en varias ocasións” condenou a actitude do alcalde, como no caso dun suposto “acoso laboral” no Concello e o “incumprimento das normas no período de confinamento” na primavera de 2020.

ÚLTIMAS

Enrique Rozas renuncia por “asuntos persoais e familiares” á súa acta de concelleiro no Concello de Lugo

O edil do PP no Concello de Lugo, Enrique Rozas, anunciou este luns en rolda de prensa...

O TSXG anula os servizos mínimos da Xunta para a folga de limpeza en Lugo de 2023

A sección primeira da Sala do Contencioso-Administrativo do Tribunal Superior de Xustiza de Galicia...

Interceptado un condutor borracho que fuxiu tras ter un accidente cun neno no asento dianteiro

Un condutor foi interceptado tras verse implicado nun accidente de circulación na confluencia da Avenida...

O PP presentará dúas iniciativas no Senado para reclamar ao Goberno a chegada da alta velocidade

O PP lucense anunciou este luns en Lugo que presentará dúas iniciativas no Senado...