InicioCulturaUxía leva a súa música ata A Fonsagrada este sábado

Uxía leva a súa música ata A Fonsagrada este sábado

En Taboada será a quenda de De Vacas; e o 6 de marzo en Barreiros, de Habelas Hainas.

PUBLICADA O

- Advertisement -

O ciclo de concertos Con Voz de Muller 8-M que impulsa a Deputación de Lugo continúa este sábado, 5 de marzo, coa actuación de Uxía no salón de actos fonsagradino dos Chaos ás 20.00 horas e de De Vacas na praza Riazón de Taboada ás 19.00 horas.

Estas actuacións forman parte desta nova iniciativa organizada por primeira vez este ano pola institución, que pretende achegar aos concellos da provincia música en feminino con motivo do Día Internacional da Muller, que se conmemora cada 8 de marzo.

A Deputada de Muller e Igualdade, María Loureiro García, anima a veciñanza a acudir a estes concertos, que son gratuítos e que teñen o obxectivo de “sensibilizar, romper estereotipos e favorecer a visibilización e o empoderamento a través da música de mulleres con voz propia que cantan e expresan os nosos dereitos”. Recalca Loureiro que dende a Deputación “pensamos en actividades e horarios para un público familiar e xente nova”.

O programa Con Voz de Muller 8-M pecharase este domingo, 6 de marzo, ás 19.00 horas, no centro sociocultural Manuel Díaz Sampedro de Barreiros co concerto do grupo Habelas Hailas.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...