Os transportistas denuncian o “caos” de cruzar Pedrafita: “estivemos dúas horas”

Reclaman axudas para paliar a perda de tempo e cartos que aparellou a caída do viaducto do Castro.

Operarios e guindastres traballan durante o desmonte do viaduto da A6 en Pedrafita (Lugo). Carlos Castro - Europa Press

Os transportistas alertaron este xoves da situación “caótica” e de “descontrol” na que se converteu atravesar a localidade lucense de Pedrafita do Cebreiro, para saír de Galicia, tras o esborralle do viaduto do Castro na A-6 o pasado mes de xuño.

O presidente da asociación lucense do transporte AETRAM, DiegoArias, sinalou que, este fin de semana, houbo transportistas que estiveron “dúas horas” para conseguir cruzar a localidade. “Isto supón un descontrol total, tanto no económico, porque é un gasto a maiores, como no horario de entrega de mercadorías e en horas de condución”, quéixase.

Ante esta situación, Arias reivindicou “axudas” ao goberno central para minorar este “impacto”, aínda que consideran que nin esta nin o novo trazado son a solución. “O novo trazado (para sortear Pedrafita) é aínda peor e vai ser peor. Desde a administración non nos fan nin caso, non obtemos ningún tipo de resposta”, afeou.

O presidente de AETRAM estimou que, para o seu camión, “ir por Pedrafita supón 15 litros máis de gasoil, máis o tempo que se perde, porque un día normal falariamos de 15 ou 20 minutos, pero neste mespuedes chegar a perder ata dúas horas”.

DEIXAR UN COMENTARIO

Please enter your comment!
Please enter your name here