InicioPolíticaA Deputación licita por 750.000 euros a conservación das vías provinciais na...

A Deputación licita por 750.000 euros a conservación das vías provinciais na Montaña

Correspóndese ás zonas da Fonsagrada, Negueira de Muñiz, Ribeira de Piquín e Navia de Suarna. O contrato inclúe cláusulas sociais para fomentar o emprego feminino na obra pública e a protección do medio ambiente.

PUBLICADA O

- Advertisement -

A Deputación de Lugo aprobou sacar a contratación o servizo de conservación de estradas provinciais para a zona da Montaña. Concretamente, isto afectaría á Fonsagrada, Negueira de Muñiz, Ribeira de Piquín e Navia de Suarna. O orzamento que se manexa nesta licitación rolda os 750.000 euros.

Segundo explicou a voceira socialista do goberno, Pilar García Porto, trátase do lote 5 do servizo de conservación da rede viaria provincial. Indicou que o ano pasado xa se licitaran de maneira conxunta os oito lotes nos que está dividido o contrato por un importe total de 6,4 millóns de euros para tres anualidades (2019-21). Porén, non se presentara ningunha oferta para o lote 5, polo que agora volve saír a contratación por separado.

O procedemento é negociado, tal como contempla a Lei de Contratos do Sector Público, segundo a que se pode aplicar este sistema cando non se presenta ningunha oferta e non se modifican substancialmente as condicións iniciais. Así pois, o orzamento base de licitación é o mesmo: 751.627,80 para as tres anualidades.

CLÁUSULAS SOCIAIS

A voceira socialista lembrou que o prego que rexe a contratación do servizo de conservación da rede viaria provincial inclúe novas cláusulas sociais que defenden os dereitos dos traballadores, favorecen o emprego feminino na obra pública, o emprego fixo, o emprego de calidade, á pequena empresa e a protección do medio ambiente.

 

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...