InicioAncaresUnha certificación turística permitirá protexer o ceo nocturno dos Ancares

Unha certificación turística permitirá protexer o ceo nocturno dos Ancares

A Reserva da Biosfera dos Ancares e Montes de Cervantes, Navia e Becerreá reciben a certificación de 'Destino Turístico Starlight' para desenvolver o turismo de estrelas.

PUBLICADA O

- Advertisement -

O deputado de Medio Ambiente, Carlos López, recibiu este luns na Casa do Concello de Navia de Suarna da man da directora xerente da Fundación Starlight, Antonia Varela, a certificación de ‘Destino Turístico Starlight’ para a Reserva da Biosfera dos Ancares lucenses e Montes de Cervantes, Navia e Becerreá. Este distintivo servirá para protexer mediante diferentes actuacións o ceo nocturno e desenvolver as potencialidades do turismo das estrelas, e que tamén recolleron no acto deste luns os tres municipios que integran este territorio protexido pola Unesco e xestionado pola institución provincial.

Así mesmo, a xornada incluíu a celebración da primeira mesa de traballo en relación con esta certificación, na que participaron representantes dos concellos, así como de colectivos sociais e entidades que forman parte do órgano participativo da Reserva, co fin de abordar as actuacións necesarias, como adecuar fontes de luz ou impulsar servizos e recursos especializados.

“Estamos convencidos de que este distintivo nos axudará a consolidar o modelo de turismo polo que apostamos nas Reservas da Biosfera e en toda a provincia para xerar riqueza. Un turismo de calidade, sustentable, de experiencias, que coida o patrimonio e que deixa valor no territorio, algo fundamental para apoiar e para fixar poboación no rural, que é un obxectivo co que estamos plenamente comprometidos na Deputación”, asegurou Carlos López.

A Fundación Starlight, que pertence ao Instituto Astrofísico de Canarias, aconsella aos Ancares despregar “todo o seu potencial astroturístico” coa captación de novas empresas no territorio que ofrezan servizos de restauración, o desenvolvemento de produtos turísticos como observacións astronómicas ou novas propostas desde e para a zona. Tamén ser capaz de ampliar a oferta de aloxamentos singulares establecendo vínculo co territorio.

España conta na actualidade con máis de 60 Destinos Turísticos Starlight deste tipo, oito deles situados en Galicia. O dos Ancares é o segundo da provincia de Lugo, xa que o concello de Muras obtivo este distintivo en 2020. Outros dos lugares certificados para o turismo de estrelas en Galicia son Trevinca, o Parque Nacional Illas Atlánticas, a Costa da Morte, Lalín e as Mariñas Coruñesas.

ÚLTIMAS

Interceptado en Lugo un condutor ebrio e drogado que carecía de permiso para conducir

Un condutor foi interceptado cando circulaba sen permiso de condución baixo os efectos do...

Becerreá rexistrou este sábado un terremoto de 2,5 graos de magnitude

O municipio lucense de Becerreá rexistrou este sábado un terremoto de 2,5 graos de...

Galicia, vixiante co sarampión: detéctanse en Lugo os dous primeiros casos dende 2020

A Consellería de Sanidade reforzou a vixilancia contra o sarampión despois de detectar que repuntes...

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...