InicioEconomía"Boa noticia para Lugo", o TSXG confirma que o Concello de Lugo...

“Boa noticia para Lugo”, o TSXG confirma que o Concello de Lugo non ten que indemnizar ao promotor do Garañón

"Moi boa noticia", sinala a rexedora que considera que se ratifica o criterio municipal

PUBLICADA O

- Advertisement -

O Tribunal Superior de Xustiza de Galicia (TSXG) confirmou o fallo do Xulgado do Contencioso Administrativo número 2 de Lugo que desestimou o pago dunha indemnización ao promotor da urbanización do Garañón, en Lugo.

Faino aludindo, entre outras cuestións, a “a inexistente relación de causalidade entre as consecuencias” das sentenzas vinculadas ao Garañón “e os danos reclamados polo apelante”. “Os danos reclamados eran futuros e hipotéticos, de ningún xeito derivados dos únicos actos naquela data existentes”, sostén o fallo tras unha reclamación de responsabilidade patrimonial presentada xa en novembro de 2011.

Fíxose en base a decisións do Concello de Lugo e alegando, entre outros motivos, a “defectuosa tramitación do PERI”, así como por “a declaración de nulidade da aprobación do proxecto de urbanización e da licenza de obra de edificios”.

O apelante precisaba que o obxecto da súa reclamación de responsabilidade patrimonial foron os supostos danos derivados da anulación dos acordos da Xunta de Goberno Local de 14 de maio de 2007 e do 26 de marzo de 2008, que aprobaron, respectivamente, o proxecto de urbanización “da Unidade de Actuación CS-5 e a concesión de licenzas de obras de construción da primeira fase do edificio”.

“UNHA BOA NOTICIA”, DI A REXEDORA

Sobre o fallo, e en declaracións distribuídas aos medios de comunicación, a alcaldesa de Lugo, Paula Alvarellos, cualifica como unha “gran noticia” que se avale a decisión xa adoptada por un xulgado en primeira instancia e que se rexeitasen “integramente” as formulacións do promotor do Garañón. “Moi boa noticia para os intereses económicos do noso concello”, sostén a rexedora que afirma que se “corroboran” os criterios dos técnicos e do consistorio en relación a este asunto.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...