InicioPolíticaO tenente de alcalde de Baralla queda á fronte de forma temporal...

O tenente de alcalde de Baralla queda á fronte de forma temporal ata que haxa nova investidura

O municipio, que conta cunha ampla maioría absoluta do PP, dispón de "dez días desde a renuncia (o venres) para nomear" novo rexedor.

PUBLICADA O

- Advertisement -

O tenente de alcalde de Baralla, Manuel Rodríguez Vilela (PP), queda á fronte do municipio de forma temporal mentres non haxa pleno de investidura para elixir novo rexedor, tras o falecemento do tamén popular Manuel González Capón tres días despois da súa renuncia como alcalde.

O delegado da Xunta de Galicia en Lugo, José Manuel Balseiro, explicou que “neste momento quen está a asumir a Alcaldía, e así o marca a lei, é o tenente de alcalde”. González Capón faleceu dunha enfermidade que lle obrigou a renunciar ao seu cargo o pasado venres, despois de ter o bastón de mando do municipio desde 1987.

Balseiro remarca que o municipio, que conta cunha ampla maioría absoluta do PP –con oito concelleiros, fronte aos dous do PSOE e un do BNG–, dispón de “dez días desde a renuncia (o venres) para nomear” novo rexedor. Entre os mellor situados atópase o fillo do falecido e número tres da lista do PP, Miguel González.

Así mesmo, o delegado da Xunta en Lugo trasladou as súas “condolencias” á familia por unha perda que sente “enormemente”. “No meu caso, era un gran amigo e é dobremente doloroso”, lamentou.

“É unha persoa que coñezo desde hai moito tempo e é unha persoa coa que me unía unha gran amizade. Creo que os veciños de Baralla perderon un gran alcalde, pero sobre todo todos perdemos unha gran persoa, e é o que destacaría de Manolo”, expresou Balseiro sobre o exalcalde falecido.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...