InicioSociedadeO Supremo absolve ao alcalde de Palas de acoso laboral e prevaricación

O Supremo absolve ao alcalde de Palas de acoso laboral e prevaricación

O fallo do TS anula a condena imposta pola Audiencia de Lugo contra o alcalde de Palas, Pablo Taboada, o seu predecesor e outros sete acusados

PUBLICADA O

- Advertisement -

O Tribunal Supremo exculpa ao alcalde de Palas de Rei, Pablo Taboada, da comisión de dous delitos de acoso laboral e prevaricación denunciados en 2011. O fallo do alto tribunal anula a sentencia ditada pola Audiencia Provincial de Lugo contra o actual rexedor, o seu predecesor e outros sete encausados.

A Sala Segunda estimou o recurso dos nove acusados por vulneración da presunción de inocencia, absolvéndoos dos delitos polos que foran xulgados, e mantendo a absolución doutras dúas persoas que xa resultaran absoltas pola Audiencia de Lugo. A pena para o alcalde de Palas ascendía a nove anos de inhabilitación e quince meses de cadea a raíz da denuncia presentada pola secretaria municipal, por supostamente acosar durante anos e destituír de xeito ilícito á funcionaria.

O Supremo entende que non se cumpren os requisitos para probar o acoso laboral que sinala o xulgado provincial, e que afectaba tanto ao rexedor Pablo Taboada como ao exalcalde Fernando Pensado, que pertenceron á mesma formación. A sentencia indica que unicamente se limitaron a “convocar comidas de irmandade co obxecto de suavizar a situación de fricción laboral”.

En relación aos outros tres acusados por este delito, o alto tribunal estabelece que non poden ser xulgados por acoso por seren “inferiores xerárquicos” da funcionaria denunciante. A Sala agrega que os demais aspectos probados carecen da entidade que require o tipo penal de acoso, que debe consistir en actos hostís e vexatorios, reiterados e graves. “E non se pode deducir máis ca unha situación laboral tensa da que todos os implicados son responsables”.

No que respecta ao delito de prevaricación administrativa, o fallo considera que non se actuou con conciencia de estar dictando ou acordando unha resolución arbitraria. Neste caso, na sanción que acorda o pleno de Palas –a destitución da secretaria municipal– non consta a advertencia de ilegalidade do secretario, existindo por outra banda un informe favorable do Director Xeral da Administración Local da Xunta de Galicia.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...