O incendio forestal declarado durante esta madrugada no concello lucense de Palas de Rei afecta xa a unhas 70 hectáreas, segundo informou a Consellería de Medio Rural.

O lume iniciouse ás 5,27 h. desta mañanciña e, segundo as primeiras estimacións, afecta unha superficie provisional superior ás 20 hectáreas. Para o seu control mobilizáronse ata o momento 2 axentes, 7 brigadas e 3 motobombas.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.

Así mesmo, toda a información actualizada sobre incendios forestais poderá ser consultada na conta aberta de twitter: @incendios085.