InicioA UlloaMonterrosoO CCG chama a investir máis na cultura do rural cun acto...

O CCG chama a investir máis na cultura do rural cun acto en Monterroso

O Consello presenta un informe que destaca as relacións entre cultura e a sustentabilidade dos territorios.

PUBLICADA O

Investir na cultura para evitar a morte do rural. Esa viría sendo a conclusión do informe informe Cultura e Sustentabilidade que o Consello da Cultura Galega presentou este xoves 8 pola tarde no concello lucense de Monterroso. O estudo do ente público galego chama a investir na cultura porque “contribúe á cohesión territorial e das comunidades locais” e pode ser “panca do cambio” necesario para un territorio máis “sustentable”.
De aí que o CCG, nun contexto de “despoboamento e transformación do rural”, chame a desenvolver máis investimentos que faciliten o desenvolvemento cultural da Galicia rural e axuden aos concellos non urbanos a manter esas estruturas coas que xa contan, entre as cales se atopan dez proxectos contemplados no propio estudo.
Estas conclusións parte dun extenso informe, coordinado polo investigador Fran Quiroga, onde se analizan esa decena de proxectos que “amosan unha diversidade de prácticas que dun xeito extenso responden á relación entre cultura e sustentabilidade”, propón recomendacións para unhas políticas públicas activadoras do cambio e inclúe un mecanismo de “autoavaliación” para medir o grao de sustentabilidade dun proxecto cultural.
MENOS CARTOS PARA MACROEVENTOS
O principio fundamental do estudo é que “a cultura contribúe á cohesión territorial e das comunidades locais”, razón pola que se propón que “os esforzos orzamentarios ou de programación non fiquen só nas grandes cidades ou macroeventos e que haxa un maior reequilibrio nas áreas rurais, en especial nas provincias de Ourense e Lugo”. Considérase que o acceso á cultura “é un mecanismo de reversión de inequidades e tamén de denuncia das inxustizas. Debe facerse un esforzo no fomento das culturas minorizadas, da promoción das linguas propias e da ecoloxía de saberes”, así como “potenciar a cultura de base”.
+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...