InicioA UlloaElena Candia, convencida de que o PP volverá gobernar na Deputación de...

Elena Candia, convencida de que o PP volverá gobernar na Deputación de Lugo

Destaca as últimas fichaxes dos alcaldes de Barreiros, Palas de Rei e Chantada, algúns tras quedar absoltos por irregularidades e outros por fichaxes do partido a cambio de postos no Senado, como o de Chantada.

PUBLICADA O

- Advertisement -

A presidenta do PP de Lugo, Elena Candia, afirmou hoxe que o seu partido está “mellor situado” para conseguir o goberno da Deputación Provincial nas próximas eleccións locais que nas últimas convocatorias, nas que quedou a un único deputado da maioría absoluta e non puido asumir o mando da institución pola suma de nacionalistas e socialistas.

Candia mostrouse totalmente convencida de que o PP presentará candidaturas nos sesenta e sete municipios da provincia de Lugo, ademais de lembrar que, neste momento, os populares teñen “tres alcaldías máis, tanto Barreiros, como Palas de Rei, como Chantada“, cuxos rexedores locais se reincorporaron á formación política. “E seguimos sumando”, dixo Candia, porque “se sumamos témolo máis fácil”.

“Unha vez construídos os equipos, creo que imos na boa dirección. Si creo, con total humildade, que estamos mellor situados para conseguir o goberno da Deputación despois das eleccións municipais. Dígoo con total humildade e consciente de que queda moito partido por xogar“, engadiu en declaracións aos medios de comunicación, antes de entrar no pleno provincial.

En canto ás candidaturas, precisou que algunhas “non están anunciadas aínda”, pero tamén asegurou que o partido segue co proceso de confección das listas a “a bo ritmo”.

Tamén quixo agradecer a súa postura aos alcaldes que deron “un paso atrás” e participaron “nun proceso de renovación consensuada”, porque no PP “non sobra ninguén”, pero hai que buscar “esa fórmula entre renovación e experiencia, que tan necesaria é en todas as frontes políticas, pero sobre todo nos locais”.

+ posts

ÚLTIMAS

Frustrado un roubo nunha nave industrial en Lugo e detido un dos implicados

Axentes da Policía Nacional de Lugo detiveron un home como presunto autor dunha tentativa...

Detidas en Lugo unha nai e a súa filla por unha suposta agresión mutua

A Policía Local de Lugo detivo unha muller e a súa filla como presuntas...

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...