InicioCulturaAntas de Ulla congrega este sábado a 130 músicos no Festival da...

Antas de Ulla congrega este sábado a 130 músicos no Festival da Amizade

Este sábado 1 de setembro, o certame folk reúne polos bares de Antas a integrantes do folk chegados de toda Galicia e Portugal

PUBLICADA O

- Advertisement -

A sexta edición do Festival da Amizade Musical contará coa presenza de ata 130 músicos. Este sábado, primeiro de setembro, os bares de Antas de Ulla resoarán a folk con intérpretes chegados de toda Galicia e dende o norte de Portugal.

Nesta ocasión, o certame comezará ás 17.00 horas na Praza Nova coa actuación da agrupación lusa Danças e Cantares de Modivas, vindos de Vila do Conde, e a Asociación Cultural Fiadeira.

A continuación, o folclore percorrerá os bares de Antas, cos Cantos de Taberna. A partir das 19.00 horas, Argalleiros de Santiago, Falcatrueiros, A Corte do Granizo e Os Afogapalletas defenderán a súa arte nos Val, Praza, Ulloa, Farelo, Caryma e As Canteiras, que ademais acolle a comida de confraternidade.

Precisamente, As Canteiras será escenario, pasadas as 23.00 horas, para Odakio e Vanesa Muela, e A Murga das Cántigas. Estas actuacións son parte do programa Musiqueando da Deputación de Lugo, que achega 2.500 euros e a cartelería para o Festival da Amizade de Antas.

Esta programación está enmarcada no Plan Estratéxico de Turismo, promovido polo goberno provincial para colaborar cos eventos dos diferentes concellos. Neste caso, o apoio da Deputación engádese ao da Asociación Fiadeira, encargada de organizar este irmandamento musical do folclore galaicoportugués, xa asentado na vila da Ulloa.

 

ODAIKO, un proxecto galego innovador

Vanesa Muela é unha cantante e percusionista valisoletana, todo un referente na recuperación, estudo e interpretación das tradicións ibéricas tanto nos seus proxectos en solitario ou en colaboración con grupos como Hexacorde cos que gravou dous discos, Bisiestos e Agárraos. Ela mesturará en Antas a súa tradición coa innovación do cuarteto de percusión galego Odaiko, que conta con Fran Troncoso, Antonio Ocampo, Félix Rodríguez e Juan Collaz, e desenvolveu o seu traballo explorando a tradición musical desde o punto de vista da percusión multiétnica.

ÚLTIMAS

Un motorista falece tras caer por un terraplén en Pedrafita do Cebreiro

Un motorista faleceu este venres tras precipitarse por un terraplén de 10 metros de...

PSdeG destaca 1.000 millóns en infraestruturas para Lugo

O secretario xeral do PSdeG na provincia de Lugo, José Tomei, e a deputada...

Veciña de Begonte detida por furto de xoias continuado nun centro de maiores

A Garda Civil, no marco da operación Renur1, detivo a unha veciña da localidade...

A Rede Museística, referencia do Estado en educación e investigación nos museos

'Xornadas Internacionais sobre museos e educación. Experiencias para difusión do patrimonio e o cumprimento...