InicioSociedadeLugo suma outro cento de contaxios ata alcanzar a barreira dos 700...

Lugo suma outro cento de contaxios ata alcanzar a barreira dos 700 casos activos

Cinco persoas máis están sendo atendidas en unidades convencionais dos hospitais da provincia.

PUBLICADA O

- Advertisement -

Os contaxios de Covid-19 seguen disparados por encima do milleiro por segunda xornada consecutiva en Galicia ao repuntar a 1.342, que implican 245 máis que o día anterior e máis do dobre que hai unha semana, mentres que os pacientes ingresados por este coronavirus aumentan a 96, ao sumar 17 máis, e os casos activos ascenden a 8.319. Pola súa banda, a taxa de positividade sobe ao 10%.

No que respecta á presión hospitalaria concretamente na provincia de Lugo, a área sanitaria deixa de ter ingresados en críticos –a xornada anterior contaba con dous– pero conta con oito noutras unidades –cinco máis–. Suma, ademais, 69 casos activos ata colocarse cun total de 700 infeccións rexistradas a día de hoxe na área lucense.

En toda Galicia foron confirmados 1.253 positivos por Probas Diagnósticas de Infección Activa (PDIA) nas últimas 24 horas (que poden corresponder a casos activos doutras xornadas aos que se realiza unha nova proba diagnóstica), segundo os datos actualizados por Sanidade, 171 máis que a xornada pasada, dos cales 269 corresponden á área de Vigo; 263, á de Pontevedra e O Salnés; 207, á de Ourense; 184, á da Coruña e Cee; 178, á de Santiago e Barbanza; 100, á de Lugo; e 52, á de Ferrol.

En canto á taxa de positividade das PCR en Galicia, esta aumentou lixeiramente a un 10% tras situarse nun 9% o día anterior, descender a un 8,6% o mércores despois de dispararse a un 13,2 por cento o martes e comezar a semana nun 8%. Así, segue por encima dese 5% que establece a OMS para dar por controlada a pandemia, un limiar que Galicia, ata a semana pasada, non superaba desde o 15 de febreiro.

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...