InicioSociedadeLugo notifica 54 contaxios nun día e supera os 400 casos activos

Lugo notifica 54 contaxios nun día e supera os 400 casos activos

A presión hospitalaria aumentou lixeiramente ao ser hospitalizada unha nova persoa, ata as seis en total.

PUBLICADA O

- Advertisement -

Os novos contaxios de covid-19 detectados nun só día volvéronse a disparar en Galicia ata situarse nos 655, en niveis inéditos desde a terceira onda da pandemia en febreiro. Así, os casos activos da enfermidade aumentaron ata os 4.168, case medio milleiro máis que hai un día.

Mentres tanto, nos que respecta á presión hospitalaria, reduciuse lixeiramente nas últimas horas, ata o global de 59 ingresados –un menos que 24 horas atrás–, de acordo cos datos publicados este sábado pola Consellería de Sanidade, actualizados ás 18,00 horas do venres. Isto débese a que a baixada dos pacientes con covid en planta, ata o 47 –tres menos–, compensou a subida rexistrada entre os que están en unidades de coidados intensivos, ata os 12 –dous máis–.

LUGO

Concretamente na área de Lugo, a presión hospitalaria aumentou lixeiramente ao ser hospitalizada unha nova persoa, ata as seis en total. No que respecta aos casos activos, o ascenso é sostido nas sete áreas sanitarias, mais Lugo é a que rexistra menos incremento, con 414 persoas con infección activa logo de sumar 19 persoas no último reconto de Sanidade. Dos 655 novos contaxios en Galicia, a área de Lugo notificou 54. A de Vigo rexistrou 161, seguida da de Ourense con 128. De terceira está a de Pontevedra, con 119, e tras esta sitúanse A Coruña, con 107; Santiago, con 62; Lugo, con eses 54; e Ferrol, con 24.

PCR E POSITIVIDADE

Ata a data, Galicia efectuou 2.409.140 PCR. Deste dato dedúcese que 7.021 probas realizáronse no último día, unhas 1.400 máis que a xornada pasada. En canto á taxa de positividade das PCR, esta disparouse a un 6,7% tras días de paulatino ascenso. Por iso, segue por encima dese 5% que establece a OMS para dar por controlada a pandemia, un limiar que Galicia, ata esta semana, non superaba desde o 15 de febreiro.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...