A provincia de Lugo rexistra un novo descenso de casos activos, en concreto, de sete persoas. Desta maneira, son 22 as que aínda se manteñen infectadas pola Covid-19 no territorio lucense.

Segundo a información facilitada pola Consellería de Sanidade, a situación mantense igual nos hospitais: ningunha persoa permanece en UCI e só unha se atopa en planta no HULA. As 21 persoas restantes cúranse da enfermidade nos seus propios domilicios (sete menos ca onte).

Os datos oficiais refiren 913 altas e 28 facelementos total desde o inicio da pandemia da Covid.

GALICIA

O número de casos activos de COVID-19 no conxunto de Galicia reduciuse en 108 e sitúase en 357, mentres que as persoas curadas aumentaron ata as 10.470, o que supón 114 máis que este xoves.

Así se reflicte nos datos actualizados pola Consellería de Sanidade, nos que se sinala que do total de pacientes positivos, oito permanecen en unidades de hospitalización –tres menos que este xoves– e 349 en seguimento domiciliario –105 menos–, mentres as UCI galegas se manteñen sen pacientes con COVID.