A Consellería de Medio Rural deu por controlado o incendio forestal rexistrado este martes na localidade lucense de Guntín e que calcinou unhas 30 hectáreas de superficie, segundo as últimas estimacións provisionais.
Tal e como detallou o departamento autonómico, o lume, iniciado na parroquia de Sirvián, quedou controlado ás 16.22 horas deste mércores.
Para a súa extinción mobilizáronse, polo momento, 2 técnicos, 20 axentes, 23 brigadas, 19 motobombas, 3 pas, 5 helicópteros e 3 avións.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal.
Á súa vez, tamén está dispoñible para a súa descarga ALume, a app para avisar sobre incendios forestais activos en Galicia. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
