O novo goberno municipal de Lugo presidido por Elena Candia xa está en marcha. A alcaldesa enviou aos servizos xurídicos para sinatura do decreto de organización no que se especifica a distribución das diferentes áreas “co obxectivo de comezar a traballar desde o minuto cero para impulsar as case medio cento de propostas incluídas no Plan de Acción para Lugo, centrado na mellora dos servizos públicos, da xestión municipal e da atención á veciñanza”.
A distribución das áreas queda organizada do seguinte xeito:
-
Elena Candia López:
Medio Ambiente, Xestión Integral de RRHH e Seguridade
-
Cristina Sanz Arias:
Dinamización económica e Relacións Institucionais
-
Antonio Ameijide Osorio:
Mobilidade e Obras
-
Javier Vázquez Prado:
Cultura e Educación
-
Flor Rubinos Rois:
Zona Rural
-
Ramón Manuel Cabarcos Rodríguez:
Urbanismo
-
Gustavo Enrique Díaz Rey:
Política Social, Maiores e Migración
-
Agustín Gallego Vigo:
Turismo e Museos
-
Mar Carballas Piñeiro:
Economía, Participación, Servizos á Veciñanza e Benestar Animal
-
Damián Carballo Méndez:
Deportes, Infancia e Xuventude
-
Aurora Aida Goás Castro:
Muller e Conciliación
-
Silvia Colmenero Guzmán:
Industria e Mercados
-
María Reigosa Castro, concelleira non adscrita
Respectando o artigo 73.3 da Lei 7/1985, do 2 de abril, reguladora das bases do réxime local, terá un traballo de supervisión política e programática de actuacións municipais en materia de infraestruturas de xeito transversal.
Os voceiros do novo equipo de goberno serán Ramón Cabarcos e Mar Carballas.
Canto a relación de tenentes de alcaldesa queda establecida do seguinte xeito:
-
Primeiro tenente de alcaldesa: Antonio Ameijide
-
Segundo tenente de alcaldesa: Javier Vázquez
-
Terceira tenente de alcaldesa: Flor Rubinos
-
Cuarto tenente de alcaldesa: Silvia Colmenero
-
Quinto tenente de alcaldesa: Ramón Cabarcos
-
Sexta tenente de alcaldesa: Agustín Gallego
-
Sétima tenente de alcaldesa: Gustavo Díaz
-
Oitavo tenente de alcaldesa: Mar Carballas
REUNIÓN CON TRABALLADORES
A alcaldesa de Lugo mantivo esta mañá as primeiras reunións de traballo cos representantes do comité de empresa (CC.OO, UGT, USO e CIG) e da xunta de persoal do Concello de Lugo, xuntanzas nas que participron membros dos distintos sindicatos (CSIF, Unión Sindical de Bomberos, CC.OO, UGT, USO e CIG). Elena Candia trasladoulles a súa vontade de manter unha relación baseada no diálogo, na escoita e na colaboración permanente cos traballadores municipais.
A alcaldesa destacou que o persoal municipal “é unha peza fundamental para mellorar o funcionamento do Concello e a atención á veciñanza” e puxo en valor o traballo que realizan os empregados públicos “mesmo en departamentos que levan anos asumindo unha importante sobrecarga de traballo”.
Durante ambas xuntanzas, a alcaldesa púxose á disposición dos representantes dos traballadores para escoitar as súas demandas e prioridades, coa vontade de avanzar nunha mellor organización interna e na planificación das necesidades de persoal máis urxentes. Nese senso emprazoulles a manter a vindeira semana unha mesa de traballo
No caso do comité de empresa vanse reunir previamente para fixar as prioridades para profundizar nas súas demandas e determinar aquelas que se poidan resolver nos vindeiros meses. Por parte da xunta de persoal xa avanzaron que urxe avanzar na carreira profesional e a modificación da Relación de Postos de Traballo.
Elena Candia subliñou que “un Concello que funciona mellor por dentro pode prestar mellores servizos aos lucenses”.
