A Audiencia Provincial de Lugo xulgará o vindeiro martes, día 7, a un home que golpeou cun vaso na cara a dúas persoas no exterior dun pub en Lugo, causándolles secuelas estéticas. Fiscalía pide para el 5 anos de cárcere.
Segundo o escrito de acusación, os feitos ocorreron en xuño de 2022 no exterior dun pub da cidade de Lugo, onde o acusado iniciou unha discusión cunha das vítimas. Nun momento dado, golpeoulle na cara co vaso que levaba na man, causándolle distintas feridas. O golpe alcanzou tamén á outra vítima, que se atopaba a escasos metros de distancia, á que parte do vaso impactou tamén na cara, causándolle feridas.
Fiscalía considera os feitos constitutivos de dous delitos de lesións con deformidade e pide para o procesado cinco anos de prisión, así como unha indemnización para os afectados ynque fágase cargo dos gastos sanitarios.
