- Advertisement -
Unha persoa tivo que ser excarcerada este martes tras envorcar o vehículo no que viaxaba no municipio lucense de Pol.
Segundo informou o 112, ao redor das 15 horas, un particular alertou ao 112 Galicia dun coche envorcado fóra da vía en San Martiño de Ferreiros, Pol. Ocorreu no quilómetro 3 da LU-750, e a única persoa implicada permanecía atrapada no interior.
Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, Garda Civil de Tráfico e os servizos de mantemento da estrada.
Os bombeiros actuaron para liberar á persoa atrapada, que foi evacuada en ambulancia polos profesionais sanitarios desprazados ao lugar.
