InicioLugo e contornaLugoCárcere para o home que atacou ao seu cuñado cunha fouce

Cárcere para o home que atacou ao seu cuñado cunha fouce

O tribunal, á hora de ditar a pena, tivo en conta a atenuante de embriaguez, pois o imputado tiña levemente mermadas as súas facultades mentais como consecuencia da inxesta de bebidas alcohólicas.

PUBLICADA O

- Advertisement -

O 11 de agosto de 2016 un home, veciño de Lugo, mantivo unha discusión co seu cuñado. Tras varios insultos espetoulle: “Vouche a matar”. Instantes despois, cando o seu cuñado se atopaba no interior do portal da súa casa, o acusado atacouno cunha fouce.

Por estes feitos a Sección Segunda da Audiencia Provincial de Lugo condenouno a oito anos de cárcere. Os maxistrados destacan na sentenza que actuou “con ánimo de acabar coa súa vida”, pois a agresión produciuse “por detrás” e a vítima non puido reaccionar. “Asestoulle un golpe na zona da caluga coa parte cortante da fouce provocando que caese ao chan, propinoulle unha patada e abandonou o lugar de maneira inmediata”, relata o tribunal.

Como consecuencia da agresión, o afectado ten como secuelas dores cervicais, limitación da mobilidade da columna e unha cicatriz na cabeza. A Audiencia tamén lle impuxo ao home a prohibición de comunicarse e aproximarse ao seu cuñado durante 15 anos, así como o abono dunha indemnización de 29.170 euros.

Con todo, á hora de ditar a pena, tivo en conta a atenuante de embriaguez, pois o imputado tiña levemente mermadas as súas facultades mentais como consecuencia da inxesta de bebidas alcohólicas.

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...