A Sección Civil de Execución do Tribunal de Instancia de Lugo dirixe a poxa pública do local que albergou a pastelaría centenaria Madarro, situado na rúa da Raíña, en Lugo. A poxa do inmoble está aberta desde o pasado martes e termina o 9 de febreiro ás 18,00 horas. Os interesados poden presentar as súas ofertas a través do portal de poxas do Boletín Oficial do Estado (BOE).
O importe do depósito para poxar é de 39.500 euros e os tramos entre poxas, de 15.800 euros. O ben está taxado en 790.000 euros, segundo explica o Tribunal Superior de Xustiza de Galicia (TSXG) nun comunicado este mércores. O letrado da Administración de Xustiza convocou, o pasado 27 de outubro de 2025, a poxa debido a que os dous copropietarios non chegaron a un acordo sobre a compra da totalidade por parte dun deles.
Os bens mobles do baixo xa foron destinados no concurso por parte doutro órgano xudicial, polo que non están no interior.
