Os bombeiros de Vilalba tiveron que liberar na tarde deste luns a unha muller á que lle quedou atrapada unha perna nun motocultor na localidade lucense de Begonte. Tal como informa o 112 Galicia, os feitos tiveron lugar sobre as 14.00 horas e foi o propio persoal de Urxencias Sanitarias de Galicia-061 o que alertou ao Centro Integrado de Atención ás Emerxencias do suceso, ocorrido nunha leira do lugar de Fondevila, en Gaibor, Begonte.

De inmediato, ata o punto desprazouse o persoal sanitario a bordo dunha ambulancia, así como os bombeiros de Vilalba, a Garda Civil e o GES de Friol-Palas. Os profesionais tiveron que retirar as coitelas do vehículo agrícola para liberar á muller, que foi evacuada ao hospital Lucus Augusti de Lugo.

E.P.

+ postsBio ⮌

• E.P.

  29N Francisco Conde encabeza a candidatura do PP lucense co obxectivo de traballar “pegados ao territorio”
• E.P.

  Deteñen un home por ameazar a dúas persoas cun cúter e unha navalla en Lugo
• E.P.

  O PSOE aposta por converter a estación de autobuses actual nunha residencia de maiores
• E.P.

  Confirman cinco anos de prisión para un profesor que agrediu sexualmente unha alumna de 9 anos