Os representantes do PP por Lugo no Senado esixiron explicacións ao Goberno central sobre a situación do viaduto de O Castro, que está pechado por obras, e advertiu de “un novo engano” aos cidadáns.
Nun comunicado, os populares lamentaron que con este novo peche, a principal infraestrutura viaria de conexión coa Meseta “vese condicionada pola falta de xestión do Goberno central”.
Neste sentido, sinalaron que o Goberno central “ou mentiu” na resposta oficial de hai uns meses, a preguntas do PP sobre a seguridade estrutural e a posibilidade de realizar novos traballos, ou “mente agora” ao xustificar a intervención na imposibilidade de realizar estes traballos en inverno, co que “recoñecerían que xa sabían que someterían a autovía a novos peches o tráfico”.
Os senadores do PP dirixíronse ao Executivo central para que explicase por escrito se podía garantir que a reapertura se realizaba unha vez confirmada a seguridade estrutura e se estaba previsto algunha tarefa de monitorización para detectar, previr e reparar posibles danos.
Por iso, os populares entenden que “algo non cadra” á vista da resposta oficial na que o Goberno, segundo lembrou o PP nun comunicado, que a “reapertura ao tráfico realizouse cumprindo escrupulosamente todas as esixencias normativas, incluíndo as correspondentes probas de carga”.
“O certo é que o novo peche ao tráfico para poder realizar estes traballos de impermeabilización do tablado, fresado do pavimento actual e estendido de novas capas de aglomerado non nos sorprende despois dun cúmulo de malas decisións do Goberno central e atrasos que prexudicaron aos usuarios da autovía do Noroeste”, sentenciaron.
