A Garda Civil investiga a un veciño de Zamora de 37 anos como suposto autor dun delito de falsidade documental despois de ser identificado circulando con placas de matrícula falsas nunha proba de vehículos 4X4 en Becerreá. Os feitos tiveron lugar na segunda fin de semana de xaneiro no municipio lugués, onde a Garda Civil despregou un control con motivo da organización da proba, segundo informa o corpo nun comunicado remitido aos medios este martes.

No marco deste dispositivo, os axentes revisaron a documentación dos asistentes á ruta en vehículos todoterreo que se iniciaba no mercado de gando de Becerreá. Alí, identificaron a un dos participantes na proba que circulaba con vehículos con irregularidades na matriculación do seu 4×4 e do turismo de alta gama que o acompañaba, polo que formularon unha denuncia contra el.