Un pai e o seu fillo, menor de idade, foron excarcerados en Palas de Rei tras envorcar o vehículo no que viaxaban pola N-547. Segundo informou o 112, o suceso produciuse sobre as 14:30 horas deste sábado e foi un particular o que alertou do suceso e indicou que o coche estaba envorcado na beiravía.

Ata o punto acudiron o persoal do Servizo de Urxencias Sanitarias de Galicia-061, o GES de Monterroso, os Bombeiros de Chantada, a Garda Civil e os efectivos da Agrupación de Voluntarios de Protección Civil de Palas de Rei. Os ocupantes do vehículo foron liberados polos membros do GES e foron evacuados en ambulancia ao centro hospitalario de referencia.

E.P.

+ postsBio ⮌

This author does not have any more posts