A Policía Nacional detivo a un veciño de Lugo como suposto autor de varios roubos con forza na cidade, esclarecéndolles así numerosas denuncias e devolvéndose pertenzas aos seus lexítimos propietarios. As investigacións comezaron despois de que nos últimos meses se producisen varios roubos en Lugo. Como froito das pescudas conseguiuse identificar, localizar e deter a un home, suposto autor de múltiples roubos con forza e furtos. Por iso, foi posto a disposición do Xulgado de Instrución número 3 de Lugo, que decretou o seu ingreso en prisión.