A Policía Local de Lugo interceptou na madrugada deste mércores a un condutor de 19 anos que carecía de permiso de circulación, dado que nunca o obtivo. Segundo informaron os axentes, unha patrulla do Grupo Operativo Nocturno foi a que advertiu de que un condutor circulaba de maneira irregular un vehículo con matrícula portuguesa na rúa Lamas de Prado. Ao darlle o alto, constataron que o condutor era un mozo de 19 anos, veciño de Lugo, que carecía de carné, polo que se instruíron dilixencias por un delito contra a seguridade viaria e inmobilizouse o vehículo.
Por outra banda, efectivos do mesmo grupo estableceron tamén de madrugada un dispositivo especial para o control da documentación dos vehículos que circulan polo centro urbano de Lugo. No marco do mesmo, detectáronse catro turismos que circulaban sen seguro obrigatorio, tres dos cales tiñan tamén a ITV caducada.
