Un condutor foi interceptado en Lugo cando circulaba de forma “irregular”. As probas de alcoholemia arroxaron un resultado positivo de 1 mg/l, o que supón catro veces máis que a taxa permitida.

Segundo informa a Policía Local nun comunicado, os feitos tiveron lugar na rúa Montirón, onde deron o alto ao condutor e presentaba “signos de embriaguez”. Instruíronse dilixencias por delito contra a seguridade viaria en xuízo rápido, con inmovilización do vehículo.

Noutra orde de cousas, a Policía Local informa de que se levantaron cinco actas de denuncia durante o mercadillo no parque da Milagrosa, celebrado o pasado martes, por infracción da lei de seguridade cidadá por venda ambulante non autorizada, cunha proposta de sanción de 600 euros. Tamén se detectaron outro catro actas de denuncia por incumprimento de condicións de venda.