A Garda Civil detivo a un veciño da parroquia de Sabadelle, en Chantada, como presunto autor de varios delitos contra o patrimonio, ao supostamente entrar en varias casas e facerse con xoias, diñeiro en efectivo e teléfonos móbiles.
En concreto, o arrestado trátase dun home de 31 anos de idade, o cal supostamente accedería polo menos a cinco vivendas da zona no último mes. Tras fracturar o cristal e unha vez no interior, o home apoderábase de todo tipo de obxectos (maquinaria, xoias, móbiles e diñeiro en efectivo), segundo indica a Benemérita nun comunicado.
No rexistro domiciliario levado a cabo na vivenda do detido interviñéronse, entre outros obxectos, 45 pendentes, 40 aneis, 22 colares, sete móbiles, catro machetes e varios reloxos, que xa foron postos a disposición dos seus lexítimos propietarios. A investigación continúa aberta, sendo esclarecidos ata o momento cinco delitos. O infractor foi posto a disposición xudicial, decretándose o seu ingreso en prisión.
