Dúas persoas faleceron este martes en Begonte ao chocar a furgoneta na que viaxaban cun tráiler de cereal. Nestes momentos, os servizos de emerxencia traballan no lugar para excarcerar os corpos, que quedaron atrapados. Segundo informou o 112, o suceso tivo lugar esta mañá, momento no que diversos particulares deron aviso ao servizo.

O choque entre a furgoneta e o camión bañeira, que transportaba cereal, produciuse na LUP1611 cruzamento coa N-V, no punto 523. Os falecidos son o matrimonio que viaxaba na furgoneta. Como consecuencia da colisión, parte da carga que transportaba o camión hase esparexido pola calzada, na que traballan os servizos de emerxencia.

Ao lugar tamén se desprazaron Urxencias Sanitarias de Galicia-061, o GES Friol-Pas, a Garda Civil de Tráfico, psicólogos (GIPCE) e os bombeiros de Vilalba, que traballan na excarceración dos corpos.