Efectivos da Policía Nacional procederon á detención no termo municipal de Outeiro de Rei dun home sobre o que pesan ordes requisitorias de busca e captura procedentes de diversos xulgados españois. O arresto tivo lugar na xornada do luns, nun establecemento hoteleiro da localidade chairega na que o home, acusado de presuntos delitos de furto, apropiación indebida e estafa, aloxábase desde facía días.
Segundo confirmaron a Europa Press fontes policiais, o operativo, coordinado desde a cidade de Lugo, foi levado a cabo na tarde do luns por radiopatrullas e unidades da Policía Xudicial desprazadas ao citado municipio. Espérase que o detido, un home de nacionalidade estranxeira, pase a disposición xudicial na capital lucense ao longo da xornada deste mércores, antes de que expire o prazo máximo de duración da detención preventiva iniciado tras o seu arresto.
