Os xornais de Lugo, en colaboración co Concello de Lugo, sorteamos tres entradas dobres (para quen a gañe e un acompañante) para asistir ao Campionato de España de Motocrós no circuíto municipal Jorge Prado de Lugo o 24 e o 25 de febreiro.
A gran cita galega será a segunda da tempada e constará de competicións nas tres clases superiores do campionato, MX1, MX2 e 125 c.c. Do mesmo xeito que o ano pasado estarán na grella os mellores pilotos nacionais e unha boa representación internacional, nun último exame antes de arrincar o Mundial. En 2023, Rubén Fernández subiu ao máis alto do podio por diante de Jorge Prado e Yago Martínez. Esta competencia volverá ser o aliciente da convocatoria, xa que a carreira de Lugo será toda unha homenaxe ao rider lucense, Campión do Mundo de MXGP, que confirmou a súa presenza na pista que leva o seu nome.
Está será a única carreira de pretempada na que participe Prado, quen deberá concentrar a súa pretempada e test técnicos en só mes e medio, unha vez concluída a súa experiencia americana no supercrós. O evento no circuíto lucense servirá para homenaxear o título mundial e animalo ante o reto do Mundial 94, no que lucirá o número 1 sobre a súa Gas Gas.
Previsiblemente, a entrega das entradas será este venres no Concello da man de Jorge Prado. Podes participar no sorteo ata este mércores aquí.
