O Concello de Lugo informou de que na xornada deste xoves volveu a pechar os parques da cidade ante a permanencia dun fenómeno meteorolóxico adverso de nivel amarelo que se mantén, por ventos que pode deixar refachos de ata 70 quilómetros por hora.

Desde a área de Transición Ecolóxica e Impulso Rural, que dirixe Miguel Fernández, explícase que os operarios dos servizos municipais precintarán, por tanto, os parques de Rosalía de Castro, Marcos Cela e A Milagrosa. Por iso, queda prohibida a entrada aos mesmos desde ese momento e faise un chamamento á cidadanía para pedirlle que respecten estas limitacións e eviten correr riscos innecesarios para non pór en perigo a súa seguridade.