Hai dous meses e medio Yoe33 comezou unha obra mural que vai camiño de facer historia. A galaica “Copora” (nome da tribo galaica que habitaba as terras de Lugo) xa está no camiño dos recoñecementos internacionais.

Se a semana pasada era seleccionada entre as 100 mellores obras do mundo no mes de xuño do 2023, esta semana xa está na carreira das 25 aspirantes ao galardón. Un galardón que levaría posteriormente a converterse en candidata a ser a mellor do ano enteiro.

A plataforma Street Art Cities (a maior comunidade de arte urbana do mundo) abriu as votacións e a sorte está botada. Quen queira participar pode facelo a través do formulario de votación que case diariamente comparten nas súas historias de Instagram. Moita sorte para o noso Yoe!