Dúas persoas que vivían soas foron atopadas mortas nas súas respectivas vivendas este luns en Lugo despois de que un veciño e un familiar de cada unha delas alertase de que facía tempo que non tiñan noticias delas.
Os dous avisos producíronse con diferenza de dúas horas. O primeiro deles, foi ás 10,45 horas, cando un veciño do edificio no que residía a muller, na Avenida das Américas, informou de que levaba tempo sen ver a unha veciña de avanzada idade e que podería atoparse na vivenda. Así, segundo confirmou o 112 a Europa Press, deuse aviso aos bombeiros de Lugo, Policía Local e Policía Nacional e, sobre as 12,15 horas, puideron ratificar que a muller estaba falecida no interior da vivenda.
En canto ao segundo caso, foi en torno ao mediodía cando un particular avisou ao 112 de que levaba tempo sen ver a un familiar, que vivía na rúa Mallorca. Tamén foi ratificado que este home estaba falecido na súa vivenda, como confirmou a Policía Nacional no lugar ata o que se desprazaron tamén os Bombeiros e a Policía Local.
